வரி செலுத்துவோருக்கான வரப்பிரசாத அட்டை திட்டம் அறிமுகம்

Inland Revenue Department of Sri Lanka நாட்டின் வரி செலுத்தும் கலாசாரத்தில் மாற்றத்தை ஏற்படுத்தும் நோக்கில் “வரி செலுத்துவோர் வரப்பிரசாத அட்டை” திட்டத்தை அறிமுகப்படுத்தவுள்ளதாக அறிவித்துள்ளது.

தமது வரிப் பொறுப்புகளை துல்லியமாகவும், தொடர்ச்சியாகவும் நிறைவேற்றும் வரி செலுத்துவோரை கௌரவிக்கும் வகையில் இந்த விசேட சலுகைத் திட்டம் ஆரம்பிக்கப்படுகின்றது.

சலுகை அட்டைக்காக விண்ணப்பிக்க விரும்புவோர் பின்வரும் நிபந்தனைகளை பூர்த்தி செய்ய வேண்டும்:

வருமான வரி அறிக்கையில் குறிப்பிடப்பட்டுள்ள அனைத்து வரிகளும் (Self-Assessment கொடுப்பனவுகள் உட்பட) உரிய திகதிக்கு முன்னதாகவோ அல்லது திகதியன்றோ செலுத்தப்பட்டிருக்க வேண்டும்.

விண்ணப்பதாரரின் கடந்தகால வரி இணக்கத்தன்மை வரலாறு சீரானதும் ஏற்றுக்கொள்ளத்தக்கதுமானதாக இருக்க வேண்டும்.

இந்த சலுகை அட்டைகள் இரண்டு பிரிவுகளின் கீழ் வழங்கப்படவுள்ளன:

1. தங்க அட்டை (Gold Card)
கடந்த மதிப்பீட்டு ஆண்டில் 5 மில்லியன் ரூபாய் அல்லது அதற்கு மேல் வருமான வரி செலுத்தியவர்கள் விண்ணப்பிக்கலாம்.

2. வெள்ளி அட்டை (Silver Card)
கடந்த மதிப்பீட்டு ஆண்டில் 3 மில்லியன் முதல் 5 மில்லியன் ரூபாய் வரை வருமான வரி செலுத்தியவர்கள் தகுதியுடையவர்கள்.

தகுதியான வரி செலுத்துவோர் Inland Revenue Department of Sri Lanka உத்தியோகபூர்வ இணையதளம் www.ird.gov.lk மூலம் விண்ணப்பப் படிவங்களைப் பெற்றுக்கொள்ளலாம்.

விண்ணப்பங்களை சமர்ப்பிப்பதற்கான இறுதி திகதி 2026 பெப்ரவரி 28 ஆகும்.

நாட்டின் பொருளாதார வளர்ச்சிக்கு பங்களிக்கும் நேர்மையான வரி செலுத்துவோர் இந்த வாய்ப்பைப் பயன்படுத்துமாறு திணைக்களம் கேட்டுக்கொண்டுள்ளது.