"மீண்டும் ஒரு மழைக் காலம்!" - வங்காள விரிகுடாவில் வளிமண்டலத் தளம்பல்: -ஆம் திகதி வரை பல மாகாணங்களுக்குப் பாதிப்பு; விவசாயிகளுக்கு அவசர அறிவுறுத்தல்.

இன்று இரவு (11.02.2026) வங்காள விரிகுடாவின் தென்கிழக்கு திசையில் உருவாகும் வளிமண்டலத் தளம்பல் நிலை காரணமாக நாளை முதல் மழை வீழ்ச்சி அதிகரிக்கவுள்ளது.

முக்கிய தினங்கள் மற்றும் பாதிக்கப்படும் பகுதிகள்:

பெப்ரவரி 12 - 14: வடக்கு, கிழக்கு, மத்திய, ஊவா, மேல், வடமத்திய, சப்ரகமுவ மற்றும் தென் மாகாணங்களில் மிதமானது முதல் கனமழை பெய்யக்கூடும்.

நாளை இரவு (பிப் 12): யாழ்ப்பாண மாவட்டத்தின் பல பகுதிகளுக்குக் கனமழை பெய்யும் என எதிர்பார்க்கப்படுகிறது.

நாளை மறுதினம் (பிப் 13): கிழக்கு, மத்திய, மேல், வடமத்திய மற்றும் தென் மாகாணங்களில் பரவலாகக் கனமழை பெய்ய வாய்ப்புள்ளது.

அடுத்தடுத்த வானிலை மாற்றங்கள்:

பெப்ரவரி 16 - 19: மீண்டும் ஒரு காற்றுச் சுழற்சி உருவாக வாய்ப்புள்ளதால், நாட்டின் பல்வேறு பகுதிகளில் மீண்டும் கனமழை பெய்யக்கூடும்.

பெப்ரவரி இறுதி & மார்ச் ஆரம்பம்: 'மேடன் ஜுலியன் அலைவு' (MJO) வங்காள விரிகுடாவுக்குள் நுழையும் என எதிர்பார்க்கப்படுவதால், பெப்ரவரி இறுதி மற்றும் மார்ச் தொடக்கத்தில் மீண்டும் ஒரு சுற்று பலத்த மழை பெய்யக்கூடும் (இது பின்னர் உறுதிப்படுத்தப்படும்).

விவசாயிகளுக்கான அறிவுறுத்தல்:
தற்போது அறுவடை காலமாகும் என்பதால், இந்த மழைக்கால நிலவரங்களைக் கருத்தில் கொண்டு விவசாயிகள் தங்களது அறுவடை மற்றும் அறுவடைக்கு பிந்தைய சேமிப்பு நடவடிக்கைகளை திட்டமிடுமாறு பேராசிரியர் அறிவுறுத்தியுள்ளார்.