அரசின் புதிய வரிக் கொள்கை ஜனநாயக விரோதமானது: சஜித் பிரேமதாச குற்றச்சாட்டு

எதிர்க்கட்சித் தலைவர் Sajith Premadasa, அரசாங்கத்தின் புதிய வரிக் கொள்கை ஜனநாயகக் கோட்பாடுகளுக்கு எதிரானது என கடுமையாக விமர்சித்துள்ளார். எதிர்க்கட்சித் தலைவரின் காரியாலயத்தில் நடைபெற்ற செய்தியாளர் சந்திப்பில் பேசிய அவர், அரசு சர்வதேச நாணய நிதியத்தின் இலக்குகளை மீறி செயல்படுவதாகவும், வரி செலுத்தாதவர்களை சிறையில் அடைக்கும் வகையிலான அச்சுறுத்தல்களை பயன்படுத்தி வரி வசூலிக்க முயல்கிறது என்றும் குற்றம்சாட்டினார். இந்த நடைமுறை மனித உரிமைகளுக்கு எதிரானதும், வர்த்தக சூழல் மற்றும் வேலைவாய்ப்பு உருவாக்கத்தையும் பாதிக்கும் அபாயம் கொண்டதுமாக அவர் குறிப்பிட்டார். அதேவேளை, வரி செலுத்துதல் அவசியமானது என்பதை ஏற்றுக்கொண்டாலும், அதனை ஜனநாயகத்துக்கு விரோதமான முறையில் அமல்படுத்தக் கூடாது எனவும் அவர் வலியுறுத்தினார்.