வெல்லவாயவில் கொடூர கொலை காதலன் தாக்கியதில் இளம்பெண் உயிரிழப்பு

மொனராகலை மாவட்டம், வெல்லவாய பொலிஸ் பிரிவுக்குட்பட்ட நெடொலகம பகுதியில் நடந்த அதிர்ச்சியூட்டும் சம்பவத்தில் 32 வயது பெண் ஒருவர் கூர்மையான ஆயுதத்தால் தாக்கப்பட்டு உயிரிழந்துள்ளார். நேற்று (14.04.2026) இடம்பெற்ற இந்த சம்பவம் தனிப்பட்ட தகராறு காரணமாக ஏற்பட்டதாக ஆரம்ப விசாரணைகளில் தெரியவந்துள்ளது.

பாதிக்கப்பட்ட பெண்ணுக்கும் அவரது காதலனுக்கும் இடையே நீண்டநேரமாக நிலவி வந்த தகராறு தீவிரமடைந்த நிலையில், ஆத்திரமடைந்த காதலன் கூர்மையான ஆயுதத்தால் தாக்கிவிட்டு அங்கிருந்து தப்பிச் சென்றதாக பொலிஸார் தெரிவித்துள்ளனர்.

படுகாயமடைந்த பெண் உடனடியாக வெல்லவாய வைத்தியசாலையில் அனுமதிக்கப்பட்டிருந்தாலும், மருத்துவர்கள் அவர் ஏற்கனவே உயிரிழந்துவிட்டதாக உறுதிப்படுத்தினர். சம்பவத்துடன் தொடர்புடைய சந்தேகநபரை கைது செய்வதற்காக வெல்லவாய பொலிஸார் விசாரணைகளையும் தேடுதல் நடவடிக்கைகளையும் தீவிரப்படுத்தியுள்ளனர்.