பெண் பொலிஸ் அதிகாரிக்கு பாலியல் துன்புறுத்தல்; நீதிமன்றத்தின் அதிரடி உத்தரவு பரபரப்பு

அநுராதபுரத்தில் பெண் பொலிஸ் உத்தியோகத்தர் ஒருவருக்கு பாலியல் துன்புறுத்தல் வழங்கப்பட்டதாகக் கூறப்படும் சம்பவம் தொடர்பாக நீதிமன்றம் முக்கிய உத்தரவொன்றை பிறப்பித்துள்ளது. சம்பவத்துடன் தொடர்புடைய உப பொலிஸ் பரிசோதகருக்கு எதிரான வழக்கில், தொலைபேசி ஒலிப்பதிவுகள் மற்றும் ஆதாரங்களை நிபுணர் ஆய்வுக்கு உட்படுத்துமாறு நீதிமன்றம் உத்தரவிட்டுள்ளது.

2023ஆம் ஆண்டு இடம்பெற்றதாகக் கூறப்படும் இந்த சம்பவம் தொடர்பில், பாதிக்கப்பட்ட பெண் அதிகாரி உடனடியாக முறைப்பாடு செய்திருந்த போதிலும், சந்தேக நபரை கைது செய்து நீதிமன்றத்தில் முன்னிலைப்படுத்துவதில் ஏற்பட்ட தாமதம் தொடர்பாக நீதிமன்றம் கடும் அதிருப்தி வெளியிட்டுள்ளது.

மேலும், குற்றச்சாட்டுக்குட்பட்ட அதிகாரி மீண்டும் அதே பொலிஸ் நிலையத்தில் பணியாற்றி வருவது தொடர்பாகவும் கேள்விகள் எழுந்துள்ளன. வழக்கு விசாரணை தொடரும் நிலையில், சம்பந்தப்பட்ட ஆதாரங்களின் உண்மைத்தன்மையை உறுதிப்படுத்த விசாரணைகள் தீவிரப்படுத்தப்பட்டுள்ளன.