ஹோர்முஸ் நீரிணை பதற்றம்: உலகளாவிய எரிசக்தி விநியோகம் % துண்டிப்பு - நிலக்கரியை நோக்கித் திரும்பும் நாடுகள்!

சர்வதேச எரிசக்தி சந்தையில் பெரும் அதிர்ச்சியை ஏற்படுத்தியுள்ள ஹோர்முஸ் நீரிணை விவகாரத்தால், உலகளாவிய எண்ணெய் மற்றும் எரிவாயு விநியோகத்தில் சுமார் 20 சதவீதத்திற்கும் அதிகமான பாதிப்பு ஏற்பட்டுள்ளது. இந்தப் பாரிய விநியோகத் தடையால் ஏற்பட்டுள்ள எரிசக்திப் பற்றாக்குறையைச் சமாளிக்க, பல ஆசிய நாடுகள் தற்போது மீண்டும் நிலக்கரி மின் உற்பத்தியை நோக்கித் திரும்பியுள்ளன. இதன்காரணமாக, ஏற்கனவே மூடப்பட்டிருந்த நிலக்கரி ஆலைகள் மீண்டும் திறக்கப்படுவதுடன், உற்பத்தியை விரிவுபடுத்தவும் அவசர நடவடிக்கைகள் எடுக்கப்பட்டு வருகின்றன. சுற்றுச்சூழல் பாதிப்புகளை விடவும், தற்போதைய நாட்டின் எரிசக்திப் பாதுகாப்பிற்கே கொள்கை வகுப்பாளர்கள் முன்னுரிமை அளித்து வருகின்றனர்.

மறுபுறம், சூரிய சக்தி (Solar Energy) உலகளவில் மலிவான மின்சார வடிவமாக உருவெடுத்துள்ள போதிலும், காற்று ஆற்றல் (Wind Energy) போன்ற புதுப்பிக்கத்தக்க எரிசக்தித் திட்டங்கள் அமெரிக்காவின் ட்ரம்ப் நிர்வாகத்திடமிருந்து கடும் எதிர்ப்பைச் சந்தித்து வருகின்றன. இது சர்வதேச அளவில் பசுமை ஆற்றல் மாற்றத்தில் ஒருவித இழுபறியை ஏற்படுத்தியுள்ளது. ஹோர்முஸ் நீரிணையில் நிலவும் இந்தப் பதற்றமான சூழல் தொடரும் பட்சத்தில், உலக சந்தையில் எரிபொருள் விலை மேலும் அதிகரிக்கக்கூடும் எனப் பொருளாதார நிபுணர்கள் எச்சரித்துள்ளனர். நாடுகள் தங்களின் எரிசக்தி பாதுகாப்பை உறுதிப்படுத்தப் போராடி வரும் நிலையில், இது உலகப் பொருளாதார வளர்ச்சியில் பெரும் தாக்கத்தைச் செலுத்தி வருகின்றது.