குஷ்புவின் மகள் திருமணத்தில் புடவையில் ஜொலித்த த்ரிஷா: புகைப்படங்கள் இணையத்தில் வைரல்

நடிகை த்ரிஷா அண்மையில் நடிகை குஷ்புவின் மகள் திருமண நிகழ்வில் கலந்து கொண்டபோது அணிந்திருந்த பாரம்பரிய உடை ரசிகர்களின் கவனத்தை ஈர்த்துள்ளது. திருமண விழாவில் எடுத்த புகைப்படங்களை அவர் தனது சமூக வலைத்தளப் பக்கத்தில் பகிர்ந்ததைத் தொடர்ந்து, அவை இணையத்தில் வைரலாகி வருகின்றன.

தமிழ் திரைப்பட உலகின் முன்னணி நடிகைகளில் ஒருவராக விளங்கும் த்ரிஷா, பல ஆண்டுகளாக தொடர்ந்து திரைப்படங்களில் கதாநாயகியாக நடித்து வருகிறார். தனது திரைபயணத்திலும் தோற்றத்திலும் இளமையான தோற்றத்தை தக்க வைத்திருப்பதற்காக ரசிகர்களிடையே தொடர்ந்து பாராட்டுகளை பெற்று வருகிறார்.

கோவாவில் நடைபெற்ற திருமண நிகழ்வில், தங்க ஜரிகை வேலைப்பாடுகளுடன் கூடிய புடவை, கைவேலைப்பாடுகள் நிறைந்த பிளவுஸ், பச்சை நிற நெக்லஸ் மற்றும் அதற்கு பொருத்தமான அணிகலன்களுடன் த்ரிஷா கலந்து கொண்டிருந்தார். அவரது பாரம்பரிய தோற்றம் ரசிகர்களின் கவனத்தை வெகுவாக ஈர்த்துள்ளது.

இந்த புகைப்படங்களை பார்த்த ரசிகர்கள், "உங்களுக்கு வயதே ஆகாதா?" உள்ளிட்ட பல்வேறு பாராட்டு கருத்துகளை சமூக வலைத்தளங்களில் பதிவிட்டு வருகின்றனர். இதன் காரணமாக த்ரிஷாவின் புதிய புகைப்படங்கள் இணையத்தில் அதிகம் பகிரப்பட்டு வருகின்றன.

இதனிடையே, கோவாவில் நடைபெற்ற இந்த திருமண விழாவில் நடிகர் விஜய்யும் பங்கேற்பார் என எதிர்பார்க்கப்பட்டிருந்ததாக தகவல்கள் வெளியான நிலையில், அரசியல் பணிகள் காரணமாக அவர் நிகழ்வில் கலந்துகொள்ளவில்லை என கூறப்படுகிறது.