தலைமையிலான தவெக ஆட்சியில் வயது கீர்த்தனா தமிழகத்தின் இளம் வயது முதல் பெண் அமைச்சர்!

Tamil Nadu சட்டமன்றத் தேர்தலில் Vijay தலைமையிலான தமிழக வெற்றிக் கழகம் பெரும் வெற்றி பெற்று ஆட்சியமைத்த நிலையில், புதிய அமைச்சரவை அமைக்கப்பட்டுள்ளது.

இந்த அமைச்சரவையில் மிக இளம் வயதான முதல் பெண் அமைச்சராக 29 வயதான கீர்த்தனா நியமிக்கப்பட்டுள்ளார். இவர் விருதுநகர் மாவட்டம் சத்திரரெட்டியாபட்டியைச் சேர்ந்தவர்.

கீர்த்தனா கல்வி தகுதியாக மதுரை காமராஜர் பல்கலைக்கழகத்தில் கணிதத்தில் இளங்கலை பட்டமும், புதுச்சேரி மத்திய பல்கலைக்கழகத்தில் புள்ளியியல் துறையில் முதுகலை பட்டமும் பெற்றுள்ளார். பல மொழிகளில் புலமை பெற்ற இவர், அரசியலுக்கு வருவதற்கு முன்பு தேர்தல் ஆலோசனை துறையில் பணியாற்றிய அனுபவம் கொண்டவர்.

அவர் பிரசாந்த் கிஷோர் போன்ற அரசியல் ஆலோசனை குழுக்களுடன் இணைந்து பல்வேறு கட்சிகளின் தேர்தல் வியூகங்களில் பங்களித்துள்ளார். மேலும், ஆந்திராவின் முன்னாள் முதலமைச்சர் சந்திரபாபு நாயுடுவின் ஆலோசனை குழுவிலும் பணியாற்றிய அனுபவம் கொண்டவர் என தெரிவிக்கப்படுகிறது.

சிவகாசி தொகுதியில் நடைபெற்ற தேர்தலில், முன்னாள் அமைச்சர்கள் மற்றும் வலுவான போட்டியாளர்களை எதிர்கொண்டு 11,670 வாக்குகள் வித்தியாசத்தில் வெற்றி பெற்றார். இதன் மூலம் அவர் சட்டமன்ற உறுப்பினராக தேர்வாகி, பின்னர் அமைச்சராக நியமிக்கப்பட்டுள்ளார்.

இந்த நியமனம், தவெக அமைச்சரவையில் பெண்களின் பிரதிநிதித்துவத்தை வலுப்படுத்தும் முக்கியமான நடவடிக்கையாகவும், இளம் தலைமுறைக்கு அரசியல் வாய்ப்புகளை வழங்கும் புதிய மாற்றமாகவும் பார்க்கப்படுகிறது.