"டிட்வா" சூறாவளியின் கோரத்தாண்டவம்: இலட்சம் பேர் பாதிப்பு; பேர் பலி! - மனிதாபிமான உதவிகளுக்காக . மில்லியன் டொலர் கோருகிறது யுனிசெப்.

டிட்வா சூறாவளி மற்றும் அதனால் ஏற்பட்ட வெள்ளம், நிலச்சரிவு காரணமாக நாடு முழுவதும் பாரிய பாதிப்புகள் ஏற்பட்டுள்ளதை யுனிசெப் உறுதிப்படுத்தியுள்ளது.

பாதிக்கப்பட்ட மக்கள்: நாடு முழுவதும் 22 இலட்சத்திற்கும் மேற்பட்டோர் பாதிக்கப்பட்டுள்ளனர். இதில் 12 இலட்சம் பேருக்கு உடனடி மனிதாபிமான உதவி தேவைப்படுகிறது (சுமார் 5,26,609 சிறுவர்கள் இதில் அடங்குவர்).

உயிரிழப்பு மற்றும் இடப்பெயர்வு: டிசம்பர் 29 நிலவரப்படி 638 பேர் உயிரிழந்துள்ளனர், 175 பேர் காணாமல் போயுள்ளனர். 34,173 பேர் பாதுகாப்பு மையங்களிலும், 2,67,700 பேர் தற்காலிகமாக உறவினர் வீடுகளிலும் தங்கியுள்ளனர்.

நிலச்சரிவு அபாயம்: தொடர்ச்சியான மழையினால் பதுளை மாவட்டத்தின் 68% நிலப்பரப்பில் இன்னும் நிலச்சரிவு அபாயம் நீடிப்பதாக எச்சரிக்கப்பட்டுள்ளது.

உடனடி உதவிகள்: யுனிசெப் ஏற்கனவே 661,572 டொலர் மதிப்பிலான 55 அத்தியாவசிய பொருட்களைக் கொள்முதல் செய்துள்ளது. மேலும், 286,427 டொலர் மதிப்பிலான கல்விப் பொருட்கள் ஜனவரி தொடக்கத்தில் வழங்கப்படவுள்ளன.

நிதிக்கோரிக்கை: பாதிக்கப்பட்ட குடும்பங்களுக்கு உதவ மொத்தமாக 7.8 மில்லியன் டொலர் நிதி தேவைப்படுகிறது.

நிதியுதவி நிலை: இதுவரை 3.5 மில்லியன் டொலர் நிதி கிடைத்துள்ளதுடன், மேலதிகமாக 2.6 மில்லியன் டொலர் உறுதிமொழியாக வழங்கப்பட்டுள்ளதாக யுனிசெப் தெரிவித்துள்ளது.