இந்திய கிரிக்கெட் அணியின் - கால அட்டவணை வெளியீடு: ஜிம்பாப்வே பயணம் மற்றும் உள்நாட்டுத் தொடர்கள் உறுதி!

இந்திய கிரிக்கெட் அணி வரும் ஜூலை 2026-ல் ஜிம்பாப்வேயில் சுற்றுப்பயணம் செய்து மூன்று டி20 போட்டிகளில் விளையாடவுள்ளது. ஹராரே ஸ்போர்ட்ஸ் கிளப்பில் ஜூலை 23, 25 மற்றும் 26 ஆகிய தேதிகளில் இப்போட்டிகள் நடைபெறவுள்ளன. இதனைத் தொடர்ந்து, 2026-27 உள்நாட்டு சீசனில் இந்திய அணிக்குச் சவாலான தொடர்கள் காத்திருக்கின்றன. செப்டம்பர் மாதம் மேற்கிந்தியத் தீவுகள் அணியுடன் 3 ஒருநாள் மற்றும் 5 டி20 போட்டிகளிலும், டிசம்பர் மாதம் இலங்கை அணியுடன் 3 ஒருநாள் மற்றும் 3 டி20 போட்டிகளிலும் இந்தியா மோதவுள்ளது.

மேலும், 2027 ஜனவரியில் ஜிம்பாப்வே அணி இந்தியாவுக்கு வந்து 3 ஒருநாள் போட்டிகளில் விளையாடவுள்ளது. இத்தொடரின் போட்டிகள் கொல்கத்தா, ஹைதராபாத் மற்றும் மும்பையில் நடைபெறும். 2027-ன் தொடக்கத்தில் மிகவும் எதிர்பார்க்கப்படும் போர்டர்-கவாஸ்கர் கோப்பைக்கான 5 போட்டிகள் கொண்ட டெஸ்ட் தொடரில் ஆஸ்திரேலியாவுடன் இந்தியா மோதவுள்ளது. நாக்பூர், சென்னை, கவுகாத்தி, ராஞ்சி மற்றும் அகமதாபாத் ஆகிய நகரங்களில் ஜனவரி முதல் மார்ச் வரை இப்போட்டிகள் நடைபெறவுள்ளதாக பிசிசிஐ (BCCI) அறிவித்துள்ளது.