ஈரான் போர் காரணமாக மசகு எண்ணெய் விலை உயர்வு உலக நாடுகள் அவசர நடவடிக்கை

ஈரான் மீதான போர் காரணமாக உலக சந்தையில் மசகு எண்ணெய் விலை ஒரு பீப்பாய்க்கு 119 அமெரிக்க டொலர்களுக்கு மேல் உயர்ந்துள்ளது. இதற்கு பதிலாக, சர்வதேச எரிசக்தி முகமை உலக நாடுகளுடன் இணைந்து அவசரகால எண்ணெய் இருப்புகளை வெளியிடுமாறு அழைப்பு விடுத்துள்ளது. ஜி7 நாடுகளின் நிதி அமைச்சர்களுக்கிடையில் நடைபெற்ற இணையவழி ஆலோசனைக் கூட்டத்தில், ஜப்பானிய நிதி அமைச்சர் சட்சுகி கடயாமா இந்த தகவலை உறுதிப்படுத்தினார். போரினால் சந்தைகளில் ஏற்பட்ட கடுமையான தாக்கங்கள் மற்றும் எண்ணெய் விலை உயர்வைக் கட்டுப்படுத்துவது குறித்து கூட்டத்தில் விரிவாக ஆராயப்பட்டது. எண்ணெய் விலை அதிகரிப்பதால் உலகளாவிய பணவீக்கம் மற்றும் பொருளாதார மந்தநிலையைத் தவிர்க்க, ஒவ்வொரு நாடும் தங்களிடம் இருக்கும் அவசரகால மசகு எண்ணெய் சேமிப்பை ஒருங்கிணைந்த முறையில் சந்தைக்கு வழங்க வேண்டும் என IEA வலியுறுத்தியுள்ளது. ஜி7 நாடுகள், மசகு எண்ணெய் விநியோகத்தில் ஏற்பட்ட தடையை குறைத்து விலையை ஓரளவு நிலைப்படுத்தும் வகையில் ஒருங்கிணைந்த நடவடிக்கைகளை மேற்கொள்ள திட்டமிட்டுள்ளன. திங்கட்கிழமை சந்தை நிலவரப்படி எண்ணெய் விலையில் ஏற்பட்ட அதீத உயர்வு, பல வளர்ந்த மற்றும் வளரும் நாடுகளின் பொருளாதாரத்தில் நேரடி பாதிப்பை ஏற்படுத்தியுள்ளது.