"இலங்கையை போர்க்களமாக்க அமெரிக்கா சதி!" - விமல் வீரவன்சவின் பகீர் குற்றச்சாட்டு.

தேசிய சுதந்திர முன்னணியின் தலைவர் விமல் வீரவன்ச, இலங்கையை மையமாகக் கொண்டு அமெரிக்கா ஒரு பாரிய இராணுவச் சதியில் ஈடுபட்டு வருவதாக ஊடகங்களிடம் தெரிவித்துள்ளார். இது குறித்து அவர் முன்வைத்துள்ள முக்கிய விடயங்கள்:

அமெரிக்காவின் தந்திரம்: இந்தியாவின் அழைப்பின் பேரில் ஈரானியக் கப்பல்கள் பயிற்சிக்காக வந்திருந்தன. அமெரிக்கக் கடற்படையும் இதில் பங்கேற்கவிருந்த நிலையில், தாக்குதல் நடத்தும் திட்டத்துடன் கடைசி நேரத்தில் அவர்கள் பின்வாங்கியுள்ளனர்.

இந்தியாவின் நம்பகத்தன்மை: உயிர்த்த ஞாயிறு தாக்குதல் போன்ற ஆபத்துகளை முன்கூட்டியே கணிக்கும் திறன் கொண்ட இந்தியா, ஈரான் கப்பல்களுக்கு ஏற்படப்போகும் ஆபத்தை அறிந்திருந்தும் ஏன் அவற்றை வெளியேற அனுமதித்தது? இது இந்தியாவின் நம்பகத்தன்மை குறித்த கேள்விகளை எழுப்புகிறது.

அமெரிக்கத் தூதரக அச்சுறுத்தல்: ஈரானின் இரண்டாவது கப்பல் கொழும்புத் துறைமுகத்திற்கு வர அமெரிக்கத் தூதரகம் கடும் எதிர்ப்புத் தெரிவித்ததோடு, மீறி அனுமதித்தால் வான்வழித் தாக்குதல் நடத்தப்படும் என அச்சுறுத்தியதாகத் தகவல்கள் தெரிவிக்கின்றன.

இலங்கையை இராணுவ மையமாக்கல்: மத்திய கிழக்கில் பலமிழந்து வரும் அமெரிக்கா, இஸ்ரேலுக்கு மாற்றாக இலங்கையை ஒரு பாதுகாப்பான இராணுவத் தளமாக மாற்ற முயற்சிக்கின்றது. இதன் மூலம் இலங்கையை ஒரு நேரடி மோதல் களமாக மாற்ற அமெரிக்கா திட்டமிடுவதாக விமல் வீரவன்ச எச்சரித்துள்ளார்.