விமானங்கள் இரத்து: பயணிகளுக்காக கூடுதல் சேவை அறிவித்த ஸ்ரீலங்கன் எயார்லைன்ஸ்

மத்திய கிழக்கு பிராந்தியத்தில் நிலவி வரும் பதற்றமான சூழ்நிலை காரணமாக சில விமான சேவைகள் இரத்து செய்யப்பட்டுள்ள நிலையில், பயணிகள் எதிர்கொள்ளும் சிரமத்தை குறைக்கும் வகையில் SriLankan Airlines நிறுவனம் கொழும்பு மற்றும் லண்டன் இடையே கூடுதல் விமான சேவையை இயக்க தீர்மானித்துள்ளது.

அதன்படி, UL1205 என்ற கூடுதல் விமானம் மார்ச் 8 ஆம் திகதி ஞாயிற்றுக்கிழமை காலை 06:50 மணிக்கு Bandaranaike International Airport-இல் இருந்து புறப்பட்டு அதே நாளில் பிற்பகல் 13:10 மணிக்கு London Heathrow Airport-ஐ சென்றடையும் என அறிவிக்கப்பட்டுள்ளது.

மேலும், அதன் திரும்பும் விமானமான UL1206 அதே நாளில் பிற்பகல் 15:05 மணிக்கு லண்டனில் இருந்து புறப்பட்டு மறுநாள் காலை 06:55 மணிக்கு கொழும்பை வந்தடையும் என்றும் தெரிவிக்கப்பட்டுள்ளது.

தற்போதைய சூழ்நிலையை SriLankan Airlines நிறுவனம் தொடர்ந்து கண்காணித்து வருவதாகவும், பயண இடையூறுகளை சந்தித்தவர்களுக்கு உதவ தேவையான இடங்களில் கூடுதல் விமானங்களை இயக்க நடவடிக்கை எடுக்கப்படும் என்றும் நிறுவனம் குறிப்பிட்டுள்ளது.

இதேவேளை, Emirates விமான நிறுவனம் மறு அறிவிப்பு வரும் வரை வரையறுக்கப்பட்ட விமான அட்டவணையின் அடிப்படையில் சேவைகளை இயக்கும் என அறிவித்துள்ளது.

பிராந்திய வான்வெளி மீண்டும் திறக்கப்பட்ட பிறகு வணிக விமான சேவைகளை பாதுகாப்பாக மீண்டும் தொடங்க இந்த நடவடிக்கை மேற்கொள்ளப்பட்டுள்ளதாகவும், பாதுகாப்பே எப்போதும் முதன்மையான முன்னுரிமையாக இருக்கும் என்றும் அந்த நிறுவனம் தெரிவித்துள்ளது.