அய்யனார் துணை சீரியல் நடிகர்கள் சம்பளம் எவ்வளவு? ஹீரோயினுக்கு அதிகபட்ச ஊதியம்!

விஜய் டிவியில் ஒளிபரப்பாகி வரும் ‘அய்யனார் துணை’ சீரியல், விறுவிறுப்பான கதைக்களம் மற்றும் ரசிகர்களை கவரும் திருப்பங்களால் தொடர்ந்து டிஆர்பி பட்டியலில் முதலிடத்தை தக்க வைத்துள்ளது. குடும்ப உறவுகள், காதல், உணர்ச்சி மற்றும் பரபரப்பான காட்சிகளுடன் நகரும் இந்த சீரியல், தினமும் ஏராளமான பார்வையாளர்களின் வரவேற்பைப் பெற்று வருகிறது.

இந்த சீரியலில் சோழன் கதாபாத்திரத்தில் அரவிந்த், நிலா கதாபாத்திரத்தில் மதுமிதா, சேரன் கதாபாத்திரத்தில் முனாஃப் ரஹ்மான், பல்லவன் கதாபாத்திரத்தில் பர்வேஷ் மற்றும் பாண்டியன் கதாபாத்திரத்தில் அருண் கார்த்திக் ஆகியோர் முக்கிய வேடங்களில் நடித்து வருகின்றனர். இவர்களின் நடிப்பு மற்றும் கதாபாத்திரங்களுக்கு ரசிகர்களிடையே தனி வரவேற்பு கிடைத்துள்ளது.

தற்போதைய கதைக்களத்தில் நிலா மற்றும் சோழன் ஹனிமூன் பயணத்தில் இருக்கும் நிலையில், பல்லவன் திடீரென காணாமல் போவதால் பரபரப்பு ஏற்பட்டது. பின்னர் பல்லவன் பாதுகாப்பாக கிடைத்ததும், அவர்மீது கோபமடைந்த சோழன் தாக்கிய காட்சிகள் ரசிகர்களிடையே அதிகம் பேசப்பட்டன. பின்னர் தனது தவறை உணர்ந்து பல்லவனிடம் மன்னிப்பு கேட்கும் காட்சியும் சமூக வலைத்தளங்களில் வைரலானது.

இந்த நிலையில், சீரியலில் நடித்து வரும் முக்கிய நடிகர், நடிகைகளின் ஒரு நாள் சம்பள விவரங்கள் வெளியாகியுள்ளதாக கூறப்படுகிறது. அதன்படி, பல்லவன் கதாபாத்திரத்தில் நடிக்கும் பர்வேஷ் ஒரு நாளுக்கு ரூ.10,000, பாண்டியன் கதாபாத்திரத்தில் நடிக்கும் அருண் கார்த்திக் ரூ.12,000, சேரன் கதாபாத்திரத்தில் நடிக்கும் முனாஃப் ரஹ்மான் ரூ.20,000 சம்பளமாக பெறுவதாக தகவல்கள் தெரிவிக்கின்றன.

அதேபோல், கதாநாயகனான சோழன் கதாபாத்திரத்தில் நடிக்கும் அரவிந்த் ஒரு நாளுக்கு ரூ.20,000 சம்பளம் பெறுவதாகவும், கதாநாயகி நிலா கதாபாத்திரத்தில் நடிக்கும் மதுமிதா ஒரு நாளுக்கு ரூ.35,000 சம்பளம் பெறுவதாகவும் கூறப்படுகிறது. இதன் மூலம் இந்த சீரியலில் அதிக சம்பளம் பெறும் நடிகையாக மதுமிதா இருப்பதாக தகவல்கள் வெளியாகியுள்ளன.

எனினும், இந்த சம்பள விவரங்கள் தொடர்பாக தயாரிப்பு நிறுவனம் அல்லது நடிகர்கள் தரப்பில் இதுவரை அதிகாரப்பூர்வ உறுதிப்படுத்தல் வெளியாகவில்லை என்பது குறிப்பிடத்தக்கது.