.png){kind=logo}
தமிழ் மற்றும் தென்னிந்திய சினிமாவில் ‘ஆக்ஷன் கிங்’ என ரசிகர்களால் அழைக்கப்படும் நடிகர் அர்ஜுன் நடிப்பில் சமீபத்தில் வெளியான ‘பிளாஸ்ட்’ திரைப்படம் திரையரங்குகளில் நல்ல வரவேற்பைப் பெற்றுள்ளது.
ஏஜிஎஸ் என்டர்டெயின்மெண்ட் நிறுவனம் தயாரித்த இந்த திரைப்படத்தில் அர்ஜுனுடன் ப்ரீத்தி முகுந்தன், அபிராமி, விவேக் பிரசன்னா மற்றும் அர்ஜுன் சிதம்பரம் உள்ளிட்டோர் முக்கிய கதாபாத்திரங்களில் நடித்துள்ளனர்.
கடந்த மாதம் வெளியான ‘பிளாஸ்ட்’ திரைப்படம் கலவையான விமர்சனங்களை பெற்றிருந்தாலும், பொதுமக்கள் மத்தியில் குறிப்பிடத்தக்க வரவேற்பைப் பெற்று வருவதாக தகவல்கள் தெரிவிக்கின்றன. குறிப்பாக ஆக்ஷன் மற்றும் மாஸ் காட்சிகள் ரசிகர்களை கவர்ந்துள்ளதாக கூறப்படுகிறது.
இந்த நிலையில், திரைப்படத்தின் உலகளாவிய வசூல் குறித்த புதிய தகவல்கள் வெளியாகியுள்ளன. அதன்படி, ‘பிளாஸ்ட்’ திரைப்படம் இதுவரை ரூ.70 கோடிக்கும் மேல் வசூல் செய்துள்ளதாக தெரிவிக்கப்பட்டுள்ளது.
திரையரங்குகளில் தொடர்ந்து ஓடிக் கொண்டிருக்கும் நிலையில், வரும் நாட்களில் படத்தின் மொத்த வசூல் மேலும் உயரக்கூடும் என திரை வட்டாரங்கள் எதிர்பார்க்கின்றன.
கருத்துகள்
கருத்தைப் பதிவிடுக