திரை விமர்சனம் & வசூல்: 'கர' - தனுஷ்-விக்னேஷ் ராஜா கூட்டணியின் முதல் நாள் வசூல் விபரம்!

நடிப்பு: தனுஷ் தனது எதார்த்தமான நடிப்பால் 'கர சாமி' கதாபாத்திரத்திற்கு உயிர் கொடுத்துள்ளார். நீண்ட இடைவேளைக்குப் பிறகு கே.எஸ். ரவிக்குமார் ஒரு வலிமையான தந்தை கதாபாத்திரத்தில் ஸ்கோர் செய்துள்ளார். மமிதா பைஜு, ஜெயராம், சுராஜ் மற்றும் பிரித்வி ஆகியோர் கதையோட்டத்திற்குத் தேவையான பங்களிப்பை வழங்கியுள்ளனர்.

இசை: ஜி.வி. பிரகாஷின் பின்னணி இசை ஆக்‌ஷன் காட்சிகளுக்கு பலம் சேர்த்தாலும், பாடல்கள் சராசரி ரகமாகவே உள்ளதாக விமர்சகர்கள் கருதுகின்றனர்.

இயக்கம்: முதல் பாதியில் கதை நகரும் வேகம் ஒரு சிலருக்குத் தொய்வாகத் தெரிந்தாலும், இரண்டாம் பாதியில் வரும் வங்கி கொள்ளை மற்றும் திருப்பங்கள் விக்னேஷ் ராஜாவின் பாணியை நினைவுபடுத்துகின்றன.

உலகளாவிய ரீதியில் மிகப்பெரிய எதிர்பார்ப்புடன் வெளியான 'கர' திரைப்படம், முதல் நாளில் சுமார் ரூ. 5.5 கோடி வசூல் செய்துள்ளதாகத் தகவல்கள் தெரிவிக்கின்றன.

நிறை (Claps):

தனுஷின் அபாரமான நடிப்பு மற்றும் எமோஷனல் காட்சிகள்.

1990-களின் காலகட்டத்தை நேர்த்தியாகக் காட்சிப்படுத்திய விதம்.

இரண்டாம் பாதியின் விறுவிறுப்பான திரைக்கதை.

குறை (Bulbs):

முதல் பாதியில் மெதுவாக நகரும் காட்சிகள்.

'போர் தொழில்' படத்தில் இருந்த அதே எதிர்பார்ப்பு இதில் முழுமையாக பூர்த்தியாகவில்லை என்ற ரசிகர்களின் கருத்து.