நாட்களில் ரூ. கோடி வசூல்! பாக்ஸ் ஆபிஸில் கலக்கும் சூர்யாவின் விஸ்வநாத் & சன்ஸ்

நடிகர் சூர்யா நடிப்பில் சமீபத்தில் வெளியான ‘விஸ்வநாத் & சன்ஸ்’ திரைப்படம் பாக்ஸ் ஆபிஸில் தொடர்ந்து கவனம் ஈர்த்து வருகிறது. இப்படத்தின் 5 நாட்கள் உலகளாவிய வசூல் குறித்த தகவல் தற்போது வெளியாகியுள்ளது.

2026ஆம் ஆண்டு சூர்யாவின் திரைப்பயணத்தில் முக்கியமான ஆண்டாக மாறி வருகிறது. முன்னதாக கடந்த மே 15ஆம் தேதி வெளியான ‘கருப்பு’ திரைப்படம் ரசிகர்கள் மத்தியில் நல்ல வரவேற்பைப் பெற்றதுடன், சூர்யாவின் திரை வாழ்க்கையில் அதிக வசூல் செய்த படமாகவும் சாதனை படைத்ததாக தகவல்கள் வெளியாகின.

இதனைத் தொடர்ந்து பெரும் எதிர்பார்ப்புக்கு மத்தியில் வெளியான திரைப்படம் ‘விஸ்வநாத் & சன்ஸ்’. இயக்குநர் வெங்கி அட்லூரி இயக்கியுள்ள இப்படத்தில் இளம் நடிகை மமிதா பைஜூ கதாநாயகியாக நடித்துள்ளார்.

‘விஸ்வநாத் & சன்ஸ்’ திரைப்படம் வெளியான முதல் மூன்று நாட்களில் உலகளவில் சிறப்பான வசூலை பதிவு செய்ததாக கூறப்படுகிறது. எனினும், அடுத்த இரண்டு நாட்களில் வசூலில் சற்று பின்னடைவு ஏற்பட்டதாக தகவல்கள் தெரிவிக்கின்றன.

இந்நிலையில், இப்படம் வெளியான 5 நாட்களில் உலகளவில் ரூ.138 கோடி வசூல் செய்துள்ளதாக தகவல் வெளியாகியுள்ளது.

கலவையான விமர்சனங்கள் கிடைத்துள்ள நிலையிலும், திரைப்படத்தின் வசூல் தொடர்ந்து கவனம் பெறுவது படக்குழுவினருக்கு சாதகமான விஷயமாக பார்க்கப்படுகிறது. வரும் நாட்களில் இப்படத்தின் வசூல் மேலும் அதிகரிக்குமா என்பதை பொறுத்திருந்துதான் பார்க்க வேண்டும்.

இதனைத் தொடர்ந்து மலையாள இயக்குநர் ஜீது மாதவன் இயக்கத்தில் சூர்யா நடித்து வரும் திரைப்படம் ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது.

இப்படம் வரும் டிசம்பர் மாதம் வெளியாகும் வாய்ப்பு இருப்பதாக கூறப்படுகிறது. இந்த ஆண்டில் சூர்யாவின் அடுத்த திரைப்படமும் வெளியாகும் பட்சத்தில், அவரது ரசிகர்களுக்கு அது சிறப்பான ட்ரிபிள் ட்ரீட்டாக அமையும் என எதிர்பார்க்கப்படுகிறது.