இரவில் இந்த உணவுகளை சாப்பிடுகிறீர்களா? நிம்மதியான தூக்கத்திற்கு தடையாகும் முக்கிய உணவுகள்

இன்றைய வேகமான வாழ்க்கை முறையில், தரமான தூக்கம் உடல் மற்றும் மன ஆரோக்கியத்திற்கு மிகவும் அவசியமானதாக கருதப்படுகிறது. ஆனால் பலருக்குத் தெரியாமல், இரவு நேரத்தில் சாப்பிடப்படும் சில உணவுகளே தூக்கமின்மை, நெஞ்செரிச்சல், வயிற்று உப்புசம் மற்றும் செரிமானக் கோளாறுகளுக்கு முக்கிய காரணமாக அமைகின்றன.

மருத்துவ நிபுணர்களின் கருத்துப்படி, படுக்கைக்கு முன் உட்கொள்ளப்படும் சில உணவுகள் செரிமான அமைப்பின் செயல்பாட்டை அதிகரித்து உடலை ஓய்வெடுக்க விடாமல் செய்கின்றன. இதனால் ஆழ்ந்த தூக்கம் பாதிக்கப்படுவதோடு, இரவு முழுவதும் இடையிடையே விழித்துக்கொள்ளும் நிலையும் ஏற்படலாம்.

ஆரஞ்சு பழம் வைட்டமின் C நிறைந்த ஆரோக்கியமான பழமாக இருந்தாலும், அதில் காணப்படும் அதிகளவான சிட்ரிக் அமிலம் இரவு நேரத்தில் நெஞ்செரிச்சல் மற்றும் அமிலத்தன்மையை (Acidity) அதிகரிக்கக்கூடும். குறிப்பாக அமிலப் பிரச்சினை உள்ளவர்கள் இரவில் ஆரஞ்சு சாப்பிடுவதைத் தவிர்ப்பது நல்லது.

தக்காளியில் உள்ள சிட்ரிக் மற்றும் மாலிக் அமிலங்கள் செரிமான அமைப்பை பாதிக்கக்கூடும். இரவு உணவில் அதிக தக்காளி சட்னி, சாஸ் அல்லது தக்காளி சார்ந்த உணவுகளை சேர்ப்பது வயிற்று எரிச்சல் மற்றும் அமில பிரச்சினைகளை உருவாக்கலாம்.

இந்த காய்கறிகள் அதிக நார்ச்சத்து கொண்டவை. உடலுக்கு பல நன்மைகள் அளித்தாலும், இரவில் சாப்பிடும்போது செரிமானத்திற்கு அதிக நேரம் தேவைப்படும். இதனால் வாயுத்தொல்லை, வயிற்று உப்புசம் மற்றும் அசௌகரியம் ஏற்பட்டு தூக்கம் பாதிக்கப்படலாம்.

டார்க் சாக்லெட்டில் காபின் மற்றும் தூண்டுதல் தன்மை கொண்ட சில வேதிப்பொருட்கள் உள்ளன. இவை மூளையை சுறுசுறுப்பாக வைத்திருப்பதால் தூங்கும் நேரத்தில் உட்கொண்டால் தூக்கம் தாமதமாக வரலாம் அல்லது தூக்கத்தின் தரம் குறையலாம்.

பாதாம், முந்திரி போன்ற நட்ஸ் வகைகள் ஊட்டச்சத்து மிகுந்தவை. ஆனால் இவற்றில் உள்ள கொழுப்பு மற்றும் கலோரிகள் செரிமானத்திற்கு கூடுதல் நேரம் எடுத்துக்கொள்கின்றன. அதிக அளவில் இரவில் சாப்பிடும்போது வயிறு கனமாக உணரப்படுவதுடன் தூக்கத்திற்கும் இடையூறு ஏற்படலாம்.

தரமான தூக்கம் என்பது ஆரோக்கியமான வாழ்க்கையின் அடித்தளமாகும். எனவே, இரவு நேர உணவுப் பழக்கங்களில் சிறிய மாற்றங்களை ஏற்படுத்துவதன் மூலம் நல்ல உறக்கத்தையும் சிறந்த ஆரோக்கியத்தையும் பெற முடியும்.