தமிழக அரசியலில் அதிரடி எழுச்சி தவெக வெற்றியால் முதல்வர் பதவிக்கு அருகில் விஜய், வாழ்த்து தெரிவித்த ரம்பா

தமிழக அரசியல் வரலாற்றில் முக்கிய திருப்பமாகக் கருதப்படும் வகையில், விஜய் தொடங்கிய தமிழக வெற்றிக் கழகம் (TVK) கட்சி மிகப்பெரிய தேர்தல் வெற்றியை பதிவு செய்துள்ளது. கடந்த 2024ஆம் ஆண்டு தொடங்கப்பட்ட இந்தக் கட்சி, மிகக் குறுகிய காலத்திலேயே மக்கள் ஆதரவை பெற்று அரசியல் அரங்கில் வலுவான நிலையைப் பெற்றுள்ளது.

தற்போது 108 தொகுதிகளில் வெற்றி பெற்றுள்ள நிலையில், தனிப்பெரும் கட்சியாக தவெக உருவெடுத்துள்ளது. இதனால் தமிழ்நாடு அரசியல் சூழலில் புதிய மாற்றம் உருவாகியுள்ளது. முழுமையான பெரும்பான்மைக்கு இன்னும் சில எம்.எல்.ஏக்கள் தேவைப்படுகின்றன என்பதால், சிறிய கட்சிகளின் ஆதரவு கிடைக்கும் என எதிர்பார்க்கப்படுகிறது.

இந்த வெற்றியை தொடர்ந்து, திரையுலக பிரபலங்கள் பலரும் தங்களது வாழ்த்துகளை தெரிவித்து வருகின்றனர். அந்த வரிசையில் ரம்பா, விஜய்யின் அரசியல் வெற்றியை பாராட்டி தனது வாழ்த்துகளை சமூக வலைதளத்தின் மூலம் பகிர்ந்துள்ளார்.

மேலும் ரஜினிகாந்த், சிவகார்த்திகேயன், சூர்யா, நயன்தாரா உள்ளிட்ட பல முன்னணி நட்சத்திரங்களும் விஜய்க்கு பாராட்டுகளை தெரிவித்துள்ளனர்.

திரையுலகிலிருந்து அரசியலுக்குள் வந்த விஜய், மிகக் குறுகிய காலத்தில் இத்தகைய வெற்றியைப் பெற்றிருப்பது, தமிழக அரசியலில் புதிய யுகத்தை தொடங்கியுள்ளதாக அரசியல் வட்டாரங்கள் மதிப்பீடு செய்து வருகின்றன.