இலங்கைக்கு வருகிறது வெண்டிஸ்! ஜோன் கீல்ஸ் ஹோல்டிங்ஸ் வெளியிட்ட முக்கிய அறிவிப்பு

இலங்கையின் முன்னணி வணிகக் குழுமங்களில் ஒன்றான ஜோன் கீல்ஸ் ஹோல்டிங்ஸ், சர்வதேச அளவில் பிரபலமான Fast Food உணவக பிராண்டான Wendy’s-ஐ இலங்கை சந்தையில் அறிமுகப்படுத்தத் தயாராகி வருகிறது.

இந்த நடவடிக்கையின் மூலம், ஜோன் கீல்ஸ் ஹோல்டிங்ஸ் தனது நுகர்வோர் உணவுத் தயாரிப்புத் துறையை மேலும் விரிவுபடுத்துவதுடன், வேகமாக வளர்ந்து வரும் இலங்கையின் Fast Food சந்தையில் தனது நிலையை வலுப்படுத்த எதிர்பார்க்கிறது.

புதிய திட்டத்தின் கீழ், இலங்கையின் முதலாவது Wendy’s உணவகம் 2026ஆம் ஆண்டு டிசம்பர் மாதத்திற்குள் திறக்கப்படவுள்ளதாக ஜோன் கீல்ஸ் ஹோல்டிங்ஸ் தெரிவித்துள்ளது.

உலகளவில் பிரபலமான Wendy’s பிராண்டின் அறிமுகம் மூலம் இலங்கை நுகர்வோருக்கு புதிய மற்றும் உயர்தர Fast Food அனுபவத்தை வழங்குவது முக்கிய நோக்கமாகக் குறிப்பிடப்பட்டுள்ளது.

இலங்கையில் Fast Food உணவகங்களுக்கான நுகர்வோர் தேவை அதிகரித்து வரும் நிலையில், Wendy’s வருகை உள்ளூர் உணவகச் சந்தையில் புதிய போட்டியை உருவாக்கக்கூடும்.

மேலும், சர்வதேச உணவக பிராண்டொன்றை இலங்கை சந்தையில் அறிமுகப்படுத்துவதன் மூலம் ஜோன் கீல்ஸ் ஹோல்டிங்ஸின் உணவுத் துறை வர்த்தக நடவடிக்கைகளும் மேலும் விரிவடையக்கூடும்.