முச்சக்கர வண்டி மீது விமானம் மோதியதில் 4 விவசாயிகள் பலி! சூடானில் சம்பவம்.!
முச்சக்கர வண்டி மீது விமானம் மோதியதில் 4 விவசாயிகள் பலி! சூடானில் சம்பவம்.!
ஆபிரிக்க நாடான சூடானில் பூச்சி மருந்து தெளிக்கும் சிறிய ரக விமானம் தரையிறங்கியபோது, முச்சக்கர வண்டி மீது மோதியதில் 4 பேர் உயிரிழந்ததாக வெளிநாட்டுச் செய்திகள் தெரிவிக்கின்றன.
சூடானில் பயிர்களுக்குப் பூச்சி மருந்து தெளிப்பதற்குச் சிறிய ரக விமானங்களைப் பயன்படுத்தப்படுகின்றது.
அந்தவகையில், சிறிய ரக விமானம் ஒன்று பூச்சி மருந்து தெளிக்கும் பணியின் போது, விவசாய நிலப்பகுதியில் உள்ள ஓடுபாதையில் தரையிறங்கியது.
ஓடுபாதையில் வேகமாகச் சென்ற விமானம் திடீரென எதிரே வந்த முச்சக்கர வண்டி மீது மோதியது.
இதில் முச்சக்கர வண்டி கடுமையாகச் சேதம் அடைந்தது.
இவ்விபத்தில் 4 விவசாயிகள் உயிரிழந்ததுடன், 8 பேர் பலத்த காயமடைந்தனர் என, வெளிநாட்டுச் செய்திகள் தெரிவிக்கின்றன.
