முதலாவது வெற்றியை பதிவு செய்தது இங்கை பெண்கள் கிரிக்கெட் அணி!
முதலாவது வெற்றியை பதிவு செய்தது இங்கை பெண்கள் கிரிக்கெட் அணி!
ஆசிய கிண்ண மகளிர் கிரிக்கெட் போட்டியில் சமரி அத்தபத்து தலைமையிலான இலங்கை மகளிர் அணி நேற்று முதல் வெற்றியை பதிவு செய்துள்ளது.
பங்களாதேஷ் மகளிர் அணியை 8 விக்கெட் வித்தியாசத்தில் வீழ்த்தி இலங்கை அணி இந்த வெற்றியை பதிவு செய்துள்ளது.
ரங்கிரி தம்புள்ளை சர்வதேச கிரிக்கெட் மைதானத்தில் நடைபெற்ற இப்போட்டியில் நாணய சுழற்சியில் வென்று முதலில் துடுப்பெடுத்தாடிய பங்களாதேஷ் மகளிர் அணி நிர்ணயிக்கப்பட்ட 20 ஓவர்களில் 8 விக்கெட் இழப்புக்கு 111 ஓட்டங்களைப் பெற்றது.
112 ஓட்டங்கள் என்ற வெற்றி இலக்கை நோக்கி பதிலுக்கு துடுப்பெடுத்தாடிய இலங்கை மகளிர் 17.1 ஓவர்கள் நிறைவில் 2 விக்கெட்டுகளை மாத்திரம் இழந்து வெற்றி இலக்கை அடைந்தது.
இலங்கை மகளிர் அணி சார்பில் துடுப்பாட்டத்தில் விஷ்மி குணரத்ன 51 ஓட்டங்களையும், ஹர்ஷிதா மாதவவி ஆட்டமிழக்காமல் 33 ஓட்டங்களையும் பெற்றனர்.
